Aviso amarelo na zona do Miño en Ourense e Pontevedra por altas temperaturas

A zona do Miño nas provincias de Ourense e Pontevedra estarán este luns e martes, 22 e 23 de agosto, en aviso amarelo por altas temperaturas, segundo informa Meteogalicia. En concreto, na zona do Miño en Ourense espéranse temperaturas que superen os 36 graos en ambas as xornadas. A este aviso sumarase tamén o martes a comarca de Valdeorras.

Pola súa banda, a zona do Miño na provincia de Pontevedra estará en alerta por temperaturas que pasarán dos 34 graos en ambas as xornadas, segundo as previsións.

Meteogalicia informa de que comezará esta semana con tempo asollado xeneralizado en Galicia, salvo nubes baixas e néboas na metade norte e nalgúns vales do sur que tenderán a disiparse.

Día despexado con sol e moito calor durante o verán. XUNTA - Arquivo