Unha entrada inspirada na India

Esta é a primeira impresión que recibimos ao entrar en A Estrada (Pontevedra) cando chegamos de Compostela.

Por Paisaxe Maltratada - Carlos Coto | Rianxo | 17/09/2014

Os que estudamos Arquitectura podemos mesmo atoparlle semellanzas coa Vila Shodhan, unha obra do mestre Le Corbusier na India, pero non é máis que unha estrutura de formigón abandonada pola chegada do declive do ladrillo.

Resulta patético, mesmo dá ganas de chorar, entrar nunha vila e ter este mamotreto como monumento de recibimento. Clama ao ceu.

As normas urbanísticas galegas dan ferramentas aos Alcaldes para non permitir estas aberracións, xa que as licenzas caducan, e é unha obriga do Alcalde instar aos propietarios a rematala ou proceder ao seu derrubamento.

Nacido na Estrada, resido actualmente en Rianxo. Arquitecto dende 1988 con especialización en rehabilitación e Urbanismo. Como profesional liberal realicei edificios en Galicia, Cantabria, Euskadi, Portugal, Italia e Madrid. Ademais fun secretario técnico do COAG, arquitecto municipal de A Pobra e actualmente diretor da Oficina de Rehabilitación de Rianxo. Defendo o Urbanismo Sustentábel, a Ordenación Racional do Territorio, a Arquitectura Tradicional e loito contra o Maltrato da Paisaxe, do Territorio e do Patrimonio, eido, no que levo 30 anos loitando e impartindo moitas conferencias ao respecto. Facebook