Por E.P. | SANTIAGO DE COMPOSTELA | 05/09/2022 | Actualizada ás 12:06
Urxencias Sanitarias de Galicia-061 atendeu durante o pasado fin de semana a 69 persoas debido a 50 accidentes de tráfico rexistrados nas estradas galegas. O domingo foi o día con máis sinistros, cun total de 20.
Segundo informou o 061, a Central de Coordinación do 061 recibiu entre as 15,00 horas do venres 2 de setembro e as 23,59 horas do domingo 4 un total de 69 chamadas en relación con sinistros de circulación.
Estas alertas xeraron 58 asistencias sanitarias por parte do persoal do 061, que atenderon un total de 69 persoas. A proporción de homes foi de 54% e a de mulleres, o 46%. En canto ás idades dos feridos, o 29% dos atendidos tiña entre 40 e 54 anos.
A provincia de Pontevedra, con 21 accidentes, foi a que rexistrou máis sinistros durante os desprazamentos do fin de semana; seguida da Coruña, con 19; Ourense, con seis; e Lugo, con catro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.