Por E.P. | SANTIAGO DE COMPOSTELA | 10/10/2022 | Actualizada ás 14:52
A Garda Civil de Pontevedra interceptou o pasado mércores a un repartidor de comida a domicilio que circulaba pola autoestrada AP-9 en horario nocturno. Segundo informaron os axentes, foron varios condutores os que alertaron ao 112 sobre as 21,45 horas do pasado mércores, indicando que había un home en bicicleta circulando pola AP-9 ao seu paso por Pontevedra, en sentido Tui.
Inmediatamente, trasladouse ao lugar unha patrulla da Garda Civil e localizou ao home, ao que indicaron que debía abandonar a vía. Xa nun lugar seguro, o home, de 39 anos e veciño de Sanxenxo, dixo que circulaba por esta vía, non apta para bicicletas, porque seguía as indicacións dun GPS.
Ao home formulóuselle denuncia por circular por unha autoestrada cun vehículo que está expresamente prohibido, o que supón unha sanción de 200 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.