O TSXG obriga a Xunta a facilitar información a unha asociación sobre contratos de bus

A Consellería de Infraestruturas e Mobilidade denegou o acceso á relación de vehículos e expedientes sancionadores de todos os contratos polos que se adxudicaron lotes para explotar liñas de autobús.

Por Europa Press / Redacción | SANTIAGO DE COMPOSTELA | 10/10/2022 | Actualizada ás 20:19

Comparte esta noticia

O Tribunal Superior de Xustiza de Galicia (TSXG) determinou que a Xunta debe facilitar a información requirida pola Asociación Empresarial de Transporte de Viaxeiros por Estrada (Galibus) sobre a adxudicación de contratos de transporte por estrada en autobús.

O fallo, contra o que cabe recurso de casación ante o TSXG ou o Supremo, estima o recurso presentado por Galibus contra a resolución da Consellería de Infraestruturas e Mobilidade que denegaba o acceso da asocación á relación de vehículos e expedientes sancionadores de todos os contratos polos que se adxudicaron lotes para explotar liñas de autobús.

O departamento que dirixe a conselleira Ethel Vázquez accedera a entregar á asociación os informes técnicos das adxudicacións, pero non aqueles relacionados cos vehículos e os expedientes sancionadores ao entender que isto requiría "unha acción de reelaboración". Agora, a sección terceira da Sala do Contencioso Administrativo do Alto Tribunal galego recoñece o dereito de Galibus a dispor desta información "previa omisión da información afectada polos límites ou prohibicións contidas nas leis de aplicación".

Sede TSXG. EUROPA PRESS - Arquivo
Sede TSXG. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta