A folga do metal obriga a cancelar o Salón do Automóbil de Ourense

A intención é "evitar os graves trastornos" que podería carrexar a celebración deste encontro.

Por E.P. | SANTIAGO DE COMPOSTELA | 12/10/2022 | Actualizada ás 16:14

Comparte esta noticia

A organización do XIII Salón do Automóbil de Ourense, previsto para os días 14, 15 e 16 de outubro, decidiu cancelar a súa celebración por mor da folga do sector do metal na provincia. Nun comunicado, Acauto explicou que a intención é "evitar os graves trastornos" que, con motivo desta folga, podería carrexar a celebración deste salón, "dado que a acción dos piquetes impediría celebrar con normalidade esta actividade".

"Para poder garantir a seguridade dos visitantes e dos traballadores, que ademais non se atopan encadrados no ámbito de aplicación do convenio do siderometal se non no convenio colectivo do comercio de Ourense, e que non sufran danos os máis de 300 vehículos que formarían parte do salón, nun acto de responsabilidade entendemos que debe cancelarse a celebración", recolle o comunicado.

Folga por un convenio digno no siderometal da provincia de Ourense
Folga por un convenio digno no siderometal da provincia de Ourense | Fonte: CIG.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta