Denuncian "unha onda" de roubos en establecementos de Noia
Hostaliros piden tanto ás autoridades municipais como aos responsables das forzas de seguridade que "busquen unha solución inmediata".
Por Europa Press / Redacción | Santiago de Compostela | 15/10/2022 | Actualizada ás 18:33
A Asociación Empresarial Hostalaria.gal denunciou "unha onda" de roubos en establecementos asociados do concello coruñés de Noia e na súa comarca. Por iso, piden tanto ás autoridades municipais como aos responsables das forzas de seguridade que "busquen unha solución inmediata".
A asociación asegurou que estes sucesos "causan unha profunda intranquilidade" entre os empresarios e os traballadores dos establecementos afectados.
Así, sinalou que a hostalaría de Noia denuncia que se "sente indefensa" ante a "inseguridade" xerada "por reiterados roubos desde hai meses". Unha circunstancia que, ademais, "ten unha repercusión moi negativa tanto en perdas como á hora de desempeñar con normalidade a actividade".
Ante esta situación, Hostalaria.gal esixiu que se reforce a seguridade, especialmente polas noites, xa que indican que é "cando se produce a maior cantidade dos asaltos aos establecementos".
