Elogia, elexida mellor axencia de mercadotecnia dixital en España

A empresa de orixe galego especializada en mercadotecnia na Internet,  Elogia Media, gañou o premio eAwards, os galardóns con máis prestixio da industria  dixital do Estado, na categoría de Marketing Digital a semana pasada. " O premio gordo, a verdade. Para min, no noso sector da mercadotecnia online, é como o Óscar á mellor película, ou ao mellor director", explica na bitácora da empresa o directivo Rubén Ferreiro. 

A compañía competía con outras 20 axencias para a consecución deste premio. Rubén Ferreiro, segundo recolle Briefing Galego, declarou que  "estamos moi agradecidos aos profesionais da mercadotecnia que nos votaron por Internet e ao xurado que finalmente nos escolleu. Non é o mesmo crer que es o mellor a que o sector o diga. Fainos ver que imos polo bo camiño coa nosa orientación a resultados e a xerar vendas online".

A empresa, con oficinas en Vigo, naceu da antiga Galicia Banner pero agora, máis que na publicidade tradicional, traballa sobre todo en accións de apoio ao comecio e a construcción de marca a través da Internet.