Coas fornecedoras topamos

A foto corresponde co Casco Vello de Ourense, pero podería ser Betanzos, Viveiro ou Cangas, porque o que se quere traer ao caso é a irresponsabilidade das empresas fornecedoras de servizos (electricidade, telefonía) empeñándose en encher as nosas vilas e cidades de cables aéreos ou descorrendo polas fachadas.

Por Paisaxe Maltratada - Carlos Coto | Rianxo | 21/10/2014

Carlos Coto

Non é cousa do Concello, pola experiencia propia, é unha loita contra esas empresas que teñen salvoconduto para pasar por riba dos plans especiais ou dos monumentos, un poder que alguén lles confire e que nin sequera as autoridades municipais conseguen atallar.

Cómpre regulamentar a obriga de soterrar os cables, sobre todo nos cascos históricos, e fortes medidas sancionadoras para as empresas fornecedoras que non o cumpran.

Carlos Coto

Nacido na Estrada, resido actualmente en Rianxo. Arquitecto dende 1988 con especialización en rehabilitación e Urbanismo. Como profesional liberal realicei edificios en Galicia, Cantabria, Euskadi, Portugal, Italia e Madrid. Ademais fun secretario técnico do COAG, arquitecto municipal de A Pobra e actualmente director da Oficina de Rehabilitación de Rianxo. Defendo o Urbanismo Sustentábel, a Ordenación Racional do Territorio, a Arquitectura Tradicional e loito contra o Maltrato da Paisaxe, do Territorio e do Patrimonio, eido, no que levo 30 anos loitando e impartindo moitas conferencias ao respecto.

Todos os artigos de Carlos Coto aquí.