A taxa de rotación laboral en Galicia é do 18,6%, por enriba da media estatal

Son datos de Randstad.

Por E.P. | Santiago de Compostela | 14/11/2022 | Actualizada ás 14:04

Comparte esta noticia

A taxa de rotación laboral en Galicia é do 18,6%, segundo publicou Randstad no Informe de rotación laboral en España, no que analiza o comportamento deste fenómeno durante o 2022, caracterizado, principalmente, por un forte crecemento como consecuencia do cambio de patrón que tivo lugar tras a pandemia.

Operario da planta de PSA Peugeot Citroën en Vigo
Operario da planta de PSA Peugeot Citroën en Vigo | Fonte: PSA Peugeot Citroën - Arquivo.

Durante o último ano, case catro de cada dez empresas (un 38,5%) experimentaron incrementos nos seus niveis de rotación, mentres que só un 6,5% declaran observar diminucións.

O estudo elaborado por Randstad tomou datos dun total de 4.800 empresas de todos os sectores da actividade durante o período comprendido entre xullo e setembro de 2022. O primeiro resultado, de carácter agregado, cifra a rotación media anual das empresas españolas nun 17% en 2022.

Deste xeito, Andalucía (23,7%), Navarra (23,2%) e a Rexión de Murcia (22,7%) son as comunidades con maiores niveis de rotación. Séguenas, aínda por enriba da media nacional (17%), Castela-A Mancha (21,1%), Baleares (20,3%), Galicia (18,8%), Castela e León (18,7%), Cantabria (18,4%), Estremadura (18%) e A Rioxa (17,8%).

Con taxas por baixo do conxunto do país atópanse Cataluña (16%), a Comunidade de Madrid (15,6%), Asturias (15,2%) e Aragón (14,3%). Pechan a lista, coas taxas máis baixas de rotación laboral, Canarias (13,6%), a Comunidade Valenciana (11,7%) e País Vasco (9,1%).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta