Por Europa Press / Redacción | SANTIAGO DE COMPOSTELA | 16/11/2022 | Actualizada ás 14:19
Os dermatólogos son os profesionais sanitarios mellor pagos de Galicia xa que, despois de dez anos exercendo a profesión, poden alcanzar salarios de 110.400 euros anuais, aínda que o perfil máis demandados é o dos enfermeiros, segundo un informe levado a cabo pola consultora Spring Professional.
Este estudo, que analiza os perfís máis demandados na sanidade galega e as retribucións dos profesionais con máis de 10 anos de experiencia, sitúa no seguinte chanzo aos xinecólogos cunha remuneración que pode chegar aos 92.000 euros ao ano. Así, destaca os novos avances tecnolóxicos levados a cabo neste ámbito.
Deste xeito, os xefes de servizo, encargados de programación, coordinación e supervisión da normativa do servizo, obterían un soldo máximo de 78.200 euros ao ano. Mentres, os médicos intensivistas, do traballo e traumatólogos poden chegar a alcanzar salarios brutos de 64.400 euros anuais.
Así mesmo, o informe fai fincapé en que os profesionais da Enfermaría son os máis demandados do sistema, especialmente aqueles que traballan na UCI e hospitalizacións.
Neste ámbito, a dirección de Enfermaría é o posto cunha maior retribución máxima anual que se sitúa nos 61.640 euros, un 44,17% menos que o perfil mellor pagado entre os médicos. Ademais, os enfermeiros de Xinecología e Hospitalización, alcanzarían os 36.800 e 34.040 euros anuais respectivamente.
Nesta liña, o estudo indica que "existe unha ampla necesidade os perfís de Enfermaría", pero que hai "unha baixa oferta de candidaturas", o que supón "un importante déficit de profesionais no sistema sanitario".
AUMENTAN Os CENTROS DE SANIDADE PRIVADOS
Noutra orde de asuntos, o informe sinala que as empresas de telemedicina, centros privados e centros de reprodución asistida "seguen crecendo" en España.
Así mesmo, detalla que o sector sanitario privado a nivel estatal dispón dunha dotación de 441 hospitais, o que representa o 56% deltotal de centros hospitalarios. Tamén, destaca que estes centros contan con 50.960 camas, o 32% do total das existentes en España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.