Jácome, tras presumir da Chabasqueira, di que a súa inundación é culpa do ex alcalde Cabezas

Hai uns días bañabase e presumía de termas en Ourense.

Por Europa Press / Redacción | SANTIAGO DE COMPOSTELA | 23/11/2022 | Actualizada ás 19:08

Comparte esta noticia

O alcalde de Ourense, Gonzalo Pérez Jácome, volveu a criticar este mércores a localización das termas da Chavasqueira e de Muíño da Veiga --unha idea que atribuíu ao exalcalde e rexedor do PP, Manuel Cabezas-- porque desde o martes quedaron pechadas como consecuencia da crecida do río Miño.

"Foi unha mala idea coa que temos que apandar. É unha idea herdada e non podemos facer nada, no momento no que están inoperativas non se poden utilizar", dixo Jácome. A reapertura das termas da Chavasqueira tivo lugar o pasado 20 de outubro despois de máis de dous anos pechadas, primeiro pola situación sanitaria e, cando terminaron as restricións, pola entrada en vigor da nova lei autonómica que esixía cambios nas instalacións. Todo iso ata o mes de outubro, cando o rexedor, vestido con bañador e albornoz, se fixo cargo da inauguración.

A situación mantense igual este mércores, xornada na que o Concello dixo que traballa para que "as termas se poidan utilizar sempre que sexa posible", aínda que o alcalde da cidade das Burgas volveu a sinalar ao que foi rexedor da cidade e actual candidato á alcaldía polo Partido Popular, Manuel Cabezas, por construír as termas nesa localización.

Jácome, en bañador, nas termas da Chabasqueira
Jácome, en bañador, nas termas da Chabasqueira | Fonte: @gonzalojacome

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Ferroviario

Non hai nada peor que un paiaso sen gracia, ou alguén que non e consciente do seu nivel intelectual. Achéganse as elección e Jácome tenta crear polémicas e sair nos papeis, todo dun xeito torpe e parvo.