Por Europa Press / Redacción | OURENSE | 10/12/2022 | Actualizada ás 19:00
O Concello de Ourense informou de que organizará o 31 de decembro a primeira festa adolescente de fin de ano, que terá lugar na carpa instalada na Praza Maior. Segundo traslada o Consistorio nun comunicado, será unha festa 'sub-18', na que só se servirán bebidas sen alcol.
Así mesmo, o Concello ourensán informou de que a verbena para persoas adultas que cada ano se organiza esa noite será na Rúa do Progreso, á altura da Alameda, e estará amenizada polo grupo América. Os dous eventos organizados polo Concello de Ourense para dar a benvida ao novo ano en Noitevella comezarán a partir das 1,00 horas de 1 de xaneiro de 2023.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.