Por Europa Press / Redacción | SANTIAGO DE COMPOSTELA | 10/12/2022 | Actualizada ás 20:58
O presidente da Xunta, Alfonso Rueda, acudiu este sábado en Barcelona á estrea de 'Unha Xeración. Dous Mundos' en homenaxe aos galegos en Cataluña, a quen destacou no seu discurso: "É un orgullo ver que sentides Galicia, que estades perfectamente integrados en Catalunya pero que nunca esquecedes Galicia".
Algúns asistentes interrompéronlle durante o seu discurso para reprocharlle que non estivese a falar en galego, aínda que pouco despois tamén interveu no idioma propio de Galicia --empregou ambos os idiomas, como adoita facer nalgúns discursos--.
Alfonso Rueda destacou ademais que "Galicia ten os brazos abertos para recibir a todos os que un día" acolleron á xente que emigrou. 'Unha Xeración. Dous Mundos' é unha obra de teatro musical que narra diversas historias da migración a Catalunya e está impulsada pola Casa Galega de L'Hospitalet e Xuntanza de Catalunya, co apoio de Xunta e a Deputación de Barcelona. Está creada por Manuel Prados e Xosé Carlos García, ten dirección artística de Xisco Feijóo e Artur Puga, e a colaboración de Xurxo Gándara e Cote González.
ASISTENTES
Á estrea acudiron o conselleiro de Medio Rural da Xunta, José González; o secretario xeral de Emigración, Antonio Rodríguez Miranda; o secretario xeral de Política Lingüística, Valentín García, e o presidente da Deputación de Lugo, José Tomei Roca, ademais de alcaldes galegos e cataláns.
Estiveron tamén o subdelegado do Goberno en Barcelona, Carlos Prieto; o secretario xeral de Política Lingüística da Generalitat, Francesc Xavier Vila, o primeiro tenente de alcalde de Barcelona, Jaume Collboni, e o alcalde de Badalona, Rubén Guijarro.
Todos foron recibidos na porta principal de teatro cunha actuación da Real Banda de Gaitas de Ourense e Sons da Cossetània de Tarragona, e despois Rueda, Prieto, Roca, Vila, Collboni e Guijarro, realizaron discursos antes de que empezase a representación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.