Audasa dando exemplo, tamén

Agora que tan de actualidade está a Autoestrada do Atlántico (AP9) polas colas que se producen nas fins de semana, pola carencia de persoas nas peaxes, que foron substituídas por máquinas, polas queixas da nova propietaria da non rendibilidade da infraestrutura, non podemos deixala fóra do noso asunto: o Maltrato da Paisaxe.

Por Paisaxe Maltratada - Carlos Coto | Rianxo | 20/11/2014

Na área de descanso/servizo de Ordes (entre Santiago e A Coruña) construiron un galpón, de grandes dimensións, á medida da paisaxe dos paisanos: Construido con bloques de formigón e fibrocemento (uralitas), con portal metálico, SEN RECEBAR.

Está situada, ademais, en solo rústico, que é o territorio máis sensible para a Axencia Urbanística (APLU) da Xunta de Galicia, na que cada semana caen sancións a particulares, seguramente por galpóns de menor impacto.

Se todos/as estamos obriados/as a manter unhas mínimas condicións de integración na paisaxe, o cal é lóxico e ata europeo, alguén debe esixir a AUDASA a acondicionar o seu galpón ás condicións que constan na Lei do Solo de Galicia.

Carlos Coto

Nacido na Estrada, resido actualmente en Rianxo. Arquitecto dende 1988 con especialización en rehabilitación e Urbanismo. Como profesional liberal realicei edificios en Galicia, Cantabria, Euskadi, Portugal, Italia e Madrid. Ademais fun secretario técnico do COAG, arquitecto municipal de A Pobra e actualmente director da Oficina de Rehabilitación de Rianxo. Defendo o Urbanismo Sustentábel, a Ordenación Racional do Territorio, a Arquitectura Tradicional e loito contra o Maltrato da Paisaxe, do Territorio e do Patrimonio, eido, no que levo 30 anos loitando e impartindo moitas conferencias ao respecto.

Todos os artigos de Carlos Coto aquí.