O libro 'Plan de rescate', de Antía Yáñez, na lista internacional de obras infantís e xuvenís sobre a discapacidade

'Plan de rescate', de Antía Yáñez, será incluído na lista que elabora anualmente a Organización Internacional para o Libro Infantil e Xuvenil (IBBY) e na que se inclúen obras que tratan a discapacidade.

A novela infantil que publicou Xerais na colección 'Merlín' en setembro de 2020 forma parte así da '2023 IBBY Selection of Outstanding Books for Young People with Disabilities' xunto a outros 39 títulos de 24 países e en 17 linguas diferentes.

Coa obra de Antía Yáñez hai outros dous libros editados no Estado español, ambos da editora galega Kalandraka: 'Nicolás cociña sen lume' (Alicia Suárez, 2020) e 'O meu Lazarilla, o meu Capitán' (Gonzalo Moure, 2020).

Plan de rescate, libro publicado por Xerais. XERAIS | Fonte: Europa Press