Fina Casalderrey, homenaxeada pola AELG na súa terra natal este 2023

Recibirá a Homenaxe A Escritora na súa Terra en 2023 en Pontevedra.

Por Galicia Confidencial | Pontevedra | 16/01/2023 | Actualizada ás 11:58

Comparte esta noticia

A Asociación de Escritoras e Escritores en Lingua Galega (AELG) acordou o outorgamento a Fina Casalderrey da Homenaxe A Escritora na súa Terra en 2023, que recibirá en Pontevedra no mes de xuño.

Fina Casalderrey. XUNTA
Fina Casalderrey. XUNTA

Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida da homenaxeada ten unha presenza fundamental. "É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe", indica a entidade nun comunicado.

Esta celebración da AELG vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación da árbore simbólica elixida pola propia autora e a colocación dun monólito conmemorativo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta