CC.OO. pide que os traballadores do metal de Pontevedra gañen poder adquisitivo co novo convenio colectivo

As táboas salariais do convenio colectivo do metal de Pontevedra actualizaranse este mes de xaneiro co IPC de decembro de 2022, que quedou nun 5,7 %, algo que Comisións Obreiras (CC.OO.) ve "insuficiente".

Nun comunicado, o sindicado celebrou esta subida, que é posible grazas á incorporación da cláusula de garantía salarial sobre o IPC incorporada na negociación colectiva de 2017.

Con todo, unha vez caducado a finais do ano pasado o convenio, na nova mesa negociadora CC.OO. pretende un incremento salarial que faga que os traballadores do sector gañen poder adquisitivo, ademais de máis avances a nivel social, "para que o convenio volva ser un referente na provincia".

Varias persoas con bandeiras de CCOO durante unha manifestación con motivo da terceira xornada da folga do sector siderometal | Fonte: M. Dylan