Por Europa Press / Redacción | Ourense | 02/03/2023 | Actualizada ás 11:43
O colexio Cardeal Cisneros de Ourense prevé retomar a actividade lectiva este venres tras o derrube dun muro sobre o patio do centro causado por unhas obras de acometida de gas que perforaron a canalización de auga.
Así o apunta a dirección do centro nunha mensaxe á comunidade educativa do colexio publicado na súa páxina web a última hora do mércores, horas despois do suceso rexistrado arredor das 16,00 horas, que se saldou sen feridos.
A dirección sinala ás obras que levan a cabo na rúa Fonte do Monte como causa da ruptura dos canos, que provcou a inundación do patio e o posterior derruba do muro e as escaleiras do edificio adxacente ao centro.
ALUMNOS EVACUADOS
Segundo o relato dos feitos que ofrece o equipo directivo do colexio, ás 15,50 horas o profesorado decatouse de que se estaba filtrando auga "cada vez con máis intensidade" polo muro despois colapsado.
Tras dar aviso aos bombeiros, a dirección decidiu evacuar a alumnos e traballadores do centro, ademais de dar traslado do que acontecía ás familias.
"Volveremos á normalidade o venres día 3, con todos os servizos que o centro oferta", sinala a dirección do colexio, que terá precitntado o seu patio "ata que reúna as condicións adecuadas para o seu uso".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.