Trasladan un home ferido ao CHUAC logo de envorcar o tractor que manexaba en Carballo

Un home tivo que ser trasladado ao Complexo Hospitalario Universitario da Coruña (Chuac), despois de resultar ferido ao envorcar o tractor que manexaba no lugar de Chamusqueira, na parroquia de Lema.

Os feitos sucederon ao redor das 14,30 horas. Foi pouco despois cando o 112 Galicia tivo coñecemento do accidente a través de Urxencias Sanitarias de Galicia-061. Segundo indicou o persoal sanitario, o home estaba liberado e accesible. A partir de aí, os xestores do 112 Galicia requiriron a intervención dos axentes da Garda Civil.

Complexo Universitario da Coruña, CHUAC | Fonte: Sergas.