Por E.P. | VIGO | 21/03/2023 | Actualizada ás 10:37
Máis de 200 novos funcionarios elixirán este mes destino tras superar o proceso selectivo da agrupación profesional de persoal subalterno da Xunta.
O Diario Oficial de Galicia (DOG) publicou este martes a resolución da Dirección Xeral da Función Pública pola que se convoca a elección de destino provisional para aqueles aspirantes que superaron este proceso selectivo, un total de 205 persoas.
A adxudicación provisional dos postos tamén será publicada no DOG e, a partir de aí, os aspirantes disporán dun prazo dun mes para tomar posesión do seu destino, a contar desde o día seguinte a que apareza recollida no DOG. "O acto de elección de destino supón a parte final do proceso selectivo", engadiu o Goberno galego nun comunicado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.