Por Europa Press / Redacción | MADRID | 04/04/2023 | Actualizada ás 13:16
O Ministerio do Interior lanzou este martes o logo e a páxina web oficial dos comicios, coincidindo coa publicación no Boletín Oficial do Estado do real decreto de convocatoria das eleccións municipais e ás asembleas de Ceuta e Melilla do próximo 28 de maio. Nesta ocasión, a páxina tamén estará dispoñible nas linguas cooficiais, entre elas o galego, e, como novidade, en inglés.
O logo trátase dun deseño que utiliza "liñas sinxelas" nas que destaca a data do 28 e a inicial M de maio, e no que se especifica a lenda 'eleccións locais 2023'. A páxina web recolle toda a información necesaria para os cidadáns sobre como exercer o seu dereito ao voto, o calendario electoral, ou as distintas candidaturas que se presentan, baixo un deseño "atractivo e moderno", segundo precisa Interior, que facilita unha navegación "amigable".
Segundo explicaron desde a administración os contidos intégranse ao redor de catro grandes bloques: información xeral, formacións políticas, persoas que integran as mesas e accesibilidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.