Por Europa Press / Redacción | SANTIAGO DE COMPOSTELA | 18/04/2023 | Actualizada ás 11:30
A organización ecoloxista Arco Iris denunciou que "máis da metade" do territorio de Galicia está incluído a zona "warning" do Indicador Combinado de Seca (CDI), baseado nunha combinación de indicadores de precipitación, humidade do chan e condicións vexetais, e instou á Xunta a convocar de forma "inmediata" ao Observatorio da Seca.
Segundo sostén, os datos correspondentes ao último informe do Observatorio da Seca de Copernicus "non deixan lugar a dúbidas" de que Galicia é unha das zonas de España "máis afectada o declive do CDI, ao mesmo nivel que zonas semi-desérticas, como o sueste ou partes de Cataluña, xa sometidos a restricións de consumo".
O GDO Analytical Report desde 2021, engade, mantén a Galicia en cor laranxa, "posición que non abandonou despois da pésima situación de 2022". A entidade advirte ademais de que a actual situación "pode facerse crítica nos próximos meses se as anomalías persisten durante a primavera".
POLÍTICA HIDROLÓXICA
En consecuencia, Arco Iris insta á Xunta a convocar de forma "inmediata" ao Observatorio da Seca e "a comprometerse a explicar cal vai ser a súa política hidrolóxica a medio e longo prazo".
A organización ecoloxista solicita información "sobre todo no que concierne á derriba indiscriminada de presas e outros obstáculos nos ríos de Galicia Costa, que deben pasar a cumprir un papel regulador que garanta caudais ecolóxicos mínimos e o abastecemento de auga de consumo e rega".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.