Por E.P. | SANTIAGO DE COMPOSTELA | 20/04/2023 | Actualizada ás 11:57
A portavoz nacional do BNG, Ana Pontón, esixiu ao PPdeG un "novo modelo" sanitario ante a súa "deterioración moi grave" e de cara a solucionar o problema "moi grande" no que, dixo, está inmersa a sanidade pública. "Non se soluciona con parches concretos", sentenciou ao reprochar a política do Executivo galego nesta materia.
Así o manifestou, antes de participar nunha conferencia no Nordés Club Empresarial, a preguntas dos xornalistas sobre a desconvocatoria da folga de médicos en Galicia tras o acordo alcanzado na reunión mantida na jornda do mércores entre a Confederación Estatal de Sindicatos Médicos (CESM) e a Consellería de Sanidade.
"A verdade é que non coñezo exactamente cales son os termos dese acordo", recoñeceu Pontón. No entanto, sinalou que o Partido Popular leva "14 anos recortando e privatizando a sanidade pública". "Estamos ante un dos ataques maiores ao benestar da sociedade e estamos convencidos de que isto non se vai a solucionar con parches nun momento concreto", puntualizou.
A portavoz nacionalista instou á Xunta a "cambiar o enfoque" do modelo sanitario porque é "evidente" que existe "unha deterioración moi grave". "Ten un plan moi claro que é demoler o público para beneficiar a privada", criticou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.