Por Europa Press / Redacción | A CORUÑA | 20/04/2023 | Actualizada ás 12:51
Galicia rexistra un total de 987 casos activos por covid, con seis pacientes en unidades de coidados intensivos (UCI), segundo o último parte facilitado pola Dirección Xeral de Saúde Pública da Consellería de Sanidade, con datos actualizados ás 18,00 horas do mércores.
Do total de casos, --que supoñen un ascenso respecto ao dato facilitado o mércores día 19, cun total de 911-- 188 corresponden á área da Coruña; 127 á de Lugo; 156 á de Ourense; 99 á de Pontevedra; 152 á de Vigo; 183 á de Santiago e 82 á de Ferrol. Dos pacientes positivos, seis están en UCI e 142 en unidades de hospitalización, con outros 839 pacientes en domicilio, segundo o último parte.
Por áreas sanitarias, na da Coruña, hai 26 persoas ingresadas en planta e unha en UCI; na de Ferrol, son oito en unidade convencional e ningunha en UCI; en Lugo, 10 e unha, respectivamente; 33 e unha, no caso de Ourense; en Pontevedra, 17 hospitalizados e ningún en UCI; en Santiago, 29 en planta e dúas en UCI mentres que en Vigo son 19 e un, respectivamente.
Por outra banda, nas últimas horas abríronse 93 novos casos por covid, dos que 16 son da Coruña; 10 da de Ferrol; Lugo, 16; nove en Ourense, os mesmos que en Pontevedra; 16 en Santiago e 17 en Vigo.
En canto ao número de pacientes falecidos sitúase en 4.124. Mentres as persoas curadas elévanse, desde o inicio da pandemia, a 693.269 e as doses de vacina administradas a 7.644.700.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.