O PP de Pontevedra di que son "a única opción seria" e sinala "a mala relación" entre o PSOE e o BNG
Advertiu á cidadanía que "se non goberna o PP" o que se vai a atopar é "unha división dun bipartito
Por E.P. | SANTIAGO DE COMPOSTELA | 20/04/2023 | Actualizada ás 13:52
O portavoz do Partido Popular de Pontevedra e candidato á Alcaldía, Rafa Domínguez, erixiu á súa formación como a "única opción estable e seria" para a cidade, fronte a un PSOE e un BNG que "se boicotean entre eles".
Nunha comparecencia de prensa ofrecida este xoves, o portavoz dos populares destacou que a "mala relación" entre os dous grupos políticos que, segundo apuntou, tivo como consecuencia a falta de orzamento para o Concello, "unha situación que prexudica gravemente aos veciños da cidade".
Rafa Domínguez situou o inicio desta "mala relación" no momento no que o concelleiro socialista Tino Fernández perdeu as primarias, asumindo o seu compañeiro Iván Pontes a dirección do PSOE local. Segundo dixo, con este cambio, a "mala relación, que nun primeiro momento pasaba por detalles, se ha ido agrandando" entre os socialistas e o Bloque.
O portavoz do PP afirma que o agora candidato do PSOE á Alcaldía de Pontevedra Iván Pontes "chegou a criticar o peche de Raíña Vitoria ou a perda de millóns de euros provenientes de Europa por culpa dunha mala xestión de Lores", ambas as circunstancias denunciadas reiteradamente polo Partido Popular.
Rafa Domínguez cre que "Pontevedra necesita estabilidade nos próximos anos para enfrontarse aos novos retos" polo que "a cidade non merece que sexa dirixida por dúas persoas que non reman na mesma dirección, que cada un vai ir polo seu lado".
O candidato popular advertiu á cidadanía que "se non goberna o PP" o que se vai a atopar é "unha división dun bipartito entre Lores e Pontes, no que non se van a pór de acordo nin na hora dos plenos".
