Pontevedra concentra a metade dos accidentes de Galicia na fin de semana
O fin de semana deixa 58 feridos en 46 accidentes de tráfico.
Por E.P. | SANTIAGO DE COMPOSTELA | 24/04/2023 | Actualizada ás 11:41
Un total de 58 persoas resultaron feridas durante o pasado fin de semana en 46 accidentes de circulación rexistrados nas estradas galegas entre o mediodía do venres e a noite do domingo.
Segundo os datos facilitados por Urxencias Sanitarias 061, das persoas que requiriron asistencia sanitaria por verse involucradas en accidentes de tráfico, 46 foron evacuadas a centros sanitarios e doce recibiron atención no propio lugar do accidente.
O sábado foi a xornada con maior número de sinistros con 22 e Pontevedra concentrou a maioría das emerxencias con 26 dos 46 accidentes atendidos polo 061. Un de cada tres feridos tiña idades comprendidas entre os 30 e os 44 anos e a proporción de homes e mulleres foi idéntica.
