Endesa defende producir enerxía en Galicia porque "favorece o desenvolvemento industrial galego"
A multinacional tramita en Galicia 1.000 MW de parques eólicos con acceso e conexión, dos que 650 MW xa obtiveron unha Declaración de Impacto Ambiental (DIA) positiva.
Por Europa Press / Redacción | SANTIAGO DE COMPOSTELA | 28/04/2023 | Actualizada ás 14:01
O director territorial de Endesa Noroeste, Miguel Temboury, subliñou que producir enerxía no propio territorio supón, para Galicia, unha "vantaxe competitiva" para o seu desenvolvemento industrial.
Manifestouno nunhas xornadas de debates sobre enerxía e competitividade industrial, organizadas pola UGT en Vigo, e nas que detallou que achega unha "vantaxe esencial" con respecto a outras comunidades autónomas non produtoras. Segundo Temboury, esta vantaxe é resultado dos custos enerxéticos máis competitivos para as empresas de diferentes sectores económicos de Galicia, como o téxtil, automotriz, agroalimentario e naval.
ENERXÍA RENOVABLE
O responsable da empresa destacou que Endesa está a cambiar a súa matriz enerxética, o que xerará empregos en Galicia . Desta maneira, a empresa xa está a tramitar 1.000 MW de parques eólicos con acceso e conexión, dos que 650 MW xa obtiveron unha Declaración de Impacto Ambiental (DIA) positiva. "Coa substitución da capacidade de carbón pola capacidade eólica, Endesa converterase no primeiro operador renovable de Galicia", destacou.
