Por Europa Press / Redacción | SANTIAGO DE COMPOSTELA | 30/04/2023 | Actualizada ás 18:38
O secretario xeral do PSdeG, Valentín González Formoso, xunto a Bernardo Fernández Piñeiro, secretario xeral do PSdeG Provincial da Coruña, participaron na presentación este domingo da candidatura socialista de Sheila Rial Mata á alcaldía do Concello de Zas.
Formoso remarcou que esta candidatura, a primeira en 12 anos, "está conformada integramente con veciñas e veciños do concello de Zas, implicados na mellora, na modernización e o progreso do seu pobo".
"Se o difícil que é dar un paso como o que da Sheila nun concello gobernado polo BNG e, por tanto, para min ten ese triplo valor que nunca esqueceremos os socialistas de Galicia. Un pasoadelante a favor do teu pobo, a favor dunha ideoloxía que se identifica non só coa Costa da Morte, senón con toda Galicia, co mellor de España e co mellor de Europa que se chama socialdemocracia", afirmou.
Pola súa banda, Bernardo Fernández insistiu en que "volver contar coa candidatura en Zas é un reto que o PSdeG marcara desde hai tempo como a mellor opción para garantir o futuro do municipio fronte a un proxecto que xa está esgotado".
Por último, a candidata Sheila Rial agradeceu na súa intervención o apoio dos veciños. "Volvemos, volvemos para quedarnos e vimos cun proxecto, con propostas, cun programa que é de todos", sinalou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.