Por E.P. | SANTIAGO DE COMPOSTELA | 02/05/2023 | Actualizada ás 20:50
O secretario xeral do PSdeG, Valentín González Formoso, interveu este martes no acto de presentación da candidatura socialista á alcaldía de Ferrol, encabezada polo actual rexedor Ángel Mato, a quen avalou como a persoa que "garantirá o emprego" na cidade durante o próximos quince anos, grazas aos acordos de construción das fragatas propiciado polo Goberno de Pedro Sánchez.
Os socialistas de Ferrol déronse cita nun evento para presentar ante a cidadanía a lista que concorrerá ás próximas eleccións municipais do 28 de maio coa intención de revalidar o goberno ao que chegaron no ano 2019.
Na súa intervención, Formoso destacou a Mato como a "representación da honradez", un home que "coñece de primeira man a importancia da política local, próxima aos problemas da cidadanía" e que traballa para que "Ferrol recupere o lugar que merece" como referente da súa comarca.
Pola súa banda, Ángel Mato dixo que o 28 de maio decídese se "se desterra dunha vez por todas o vello modelo de Ferrol que só mira ao pasado, deixa pasar todas as oportunidades que se lle presentan e permite que a cidade quede atrás mentres o resto avanzan".
En contraposición, ofreceu o seu modelo, que se caracteriza por camiñar cara a "un Ferrol moderno, que recupere poboación, onde se poida estudar, vivir e traballar", un proxecto que, asegura, "vai ter continuidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.