Os traballadores de Mainfer reclaman diante das portas de Navantia o seu "dereito" a ser subrogados
Os empregados da empresa auxiliar de Navantia piden entrar no proceso de licitación que ten agora mesmo a compañía para a limpeza das dúas fragatas da serie F-110, cuxa construción xa está en marcha.
Por E.P. | Ferrol | 05/05/2023 | Actualizada ás 18:35
Os traballadores da compañía Mainfer, auxiliar da limpeza de buques en Navantia Ferrol, concentráronse na mañá deste venres diante das portas da empresa naval pública para reclamar o seu "dereito" a ser subrogados nun proceso de licitación que ten agora mesmo a compañía para a limpeza das dúas fragatas da serie F-110, cuxa construción xa está en marcha.
Segundo detallou o secretario xeral de CCOO-Industria en Galicia, Víctor Ledo, actualmente está en licitación de limpeza das fragatas F-111 e F-112, cun prezo de "preto de catro millóns de euros, que non chega, para os 72 meses de fabricación dos dous buques", e que "no prego de condicións, por primeira vez, en non vén contemplada a subrogación dos traballadores".
Ledo detallou que esta situación "sorprende" aos traballadores "porque desde hai 30 anos, incluso algún ano máis, todas as licitacións que saían para a fabricación de buques novos, contemplábase a subrogación dos traballadores de Mainfer, porque sempre fixeron esa limpeza".
