Festival Internacional de Xardíns: un evento único a nivel estatal

O Festival Internacional de Xardíns de Allariz abriu as portas da súa XIII edición baixo o tema central de “A volta ao mundo en once xardíns”. O evento, que este ano contará con once xardíns, atrae á vila do Arnoia uns 40.000 visitantes ao ano.

Por Galicia Confidencial | Allariz | 16/05/2023 | Actualizada ás 09:00

Comparte esta noticia

A XIII edición do FIXA (Festival Internaciónal de Xardíns de Allariz) ten por tema central os xardíns do mundo. Dez formas diferentes de ver as diferentes culturas, especie de plantas e paisaxes que estarán representados nos xardíns deste 2023.

Presentación da XIII edición do Festival Internacional de Xardíns de Allariz. Foto: Comunicación Concello de Allariz.
Presentación da XIII edición do Festival Internacional de Xardíns de Allariz. Foto: Comunicación Concello de Allariz.

Xunto cos dez participantes chegados diferentes países do mundo e de diferentes territorios do estado --haberá xardíns realizados por paisaxistas galegos, madrileños, canarios, mexicanos, italianos, colombianos, cataláns e polacos--, un ano máis contarase cunha creación a cargo do CEIP Padre Feijoo e o IES de Allariz. A súa colaboración plasmouse na parcela educativa na que os rapaces e rapazas quixeron representar a súa visión, nun xardín no que se pode percorrer o mundo a través dos 5 continentes e no que se poden seguir as pegadas dos e das turistas, das emigradas e emigrados, dos e das refuxiadas e refuxiados...

PRESENTACIÓN OFICIAL

No acto de apertura do pasado sábado 13 de maio ás 19:00 h. estiveron María López, concelleira de Dinamización Económica, Cristina Cid, Alcaldesa, e gran parte dos paisaxistas que foron elixidos para esta edición. No transcurso do acto procedeuse á entrega do premio ao xardín gañador de 2022, "Camiño do recordo", e deuse a coñecer o gañador técnico, escollido dende a AEP (Asociación Española de Paisajismo).

Este ano firmouse un convenio de colaboración entre o Concello de Allariz e a Asociación, no que se recollía o compromiso desta a emitir un premio técnico. Este recoñecemento foi para o xardín estadounidense “Eu non creo nas meigas, máis habelas, hainas”. O encargado de dar o fallo da AEP, foi Francisco Suárez, director do Festival, quen agradeceu a presenza de todo o xurado e fillo unha mención especial a Guillermo Cuadrado como representante da AEP.

Ata o 31 de outubro poderase visitar o recinto que alberga os dez xardíns que concursan polo voto do público, ademais do xardín gañador na pasada edición e o xardín deseñado polos alumnos e alumnas dos centros educativos de Allariz.

FESTIVAL INTERNACIONAL DE XARDÍNS, UN EVENTO CONSOLIDADO

O Festival Internacional de Xardíns de Allariz (FIXA) converteuse nunha cita consolidada no programa paisaxístico e referente pola súa particularidade: é o único das súas características que se celebra en todo o Estado.

Cada ano, Allariz convoca este concurso ao que se presentan decenas de propostas chegadas de todo o mundo. Entre eles escóllense 10 que se exhiben e compiten polos votos que outorgan os máis de 40.000 visitantes que pasan cada ano polo festival.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta