Polémica por un sketch de Mucha e Nucha nun acto do Día da Muller

O PSdeG cualifica de "insulto" cara ás mulleres a actuación do dúo cómico e critica ao PPdeG por utilizar estes actos para “mofarse” das mulleres.

Por Galicia Confidencial | Compostela | 06/03/2015 | Actualizada ás 16:52

O grupo Mucha e Nucha está no centro do escenario. E desta volta non ten que ver con ningún espectáculo, senón no escenario político. A deputada socialista Carmen Gallego considera que a súa actuación na Cidade da Cultura, nun acto organizado pola Xunta para conmemorar o Día Internacional da Muller, é “unha mofa e un insulto" cara ás mulleres.

"Paréceme absolutamente insultante para as mulleres, sobre todo nun momento no que somos as vítimas máis sinaladas da crise económica, porque somos as que perdemos emprego, somos as que temos que volver ás casas a coidar das persoas maiores porque o Goberno quita prestacións... e, ademais, o Goberno aínda nos quere castigar con que non podamos decidir sobre o noso corpo", sostivo.

"Non é a primeira vez que se suceden por parte dos gobernos da Xunta este tipo de mofas. É a evidencia clara de que, o PP, a igualdade non a toma en serio", dixo sobre outros actos realizados pola Xunta para conmemorar este día. Así, lembrou ao que tivo lugar no 2010 do entón conselleiro Javier Guerra e da aínda hoxe titular de Traballo e Benestar, Beatriz Mato, ataviados con globos intercambiándose estereotipos tamén con motivo do Día da Muller.

Neste sentido, indicou Galego que "todas as políticas do PP atentan contra os dereitos das mulleres", e precisou que "o exemplo máis recente é a reforma da lei do aborto". "O PP en materia de igualdade e de dereitos das mulleres anda bastante escaso", apuntou.

Mucha e Nucha, anteriormente coñecidos como Os dous de sempre, é o nome do dúo humorístico formado polos actores de Culleredo Marcos Pereiro e Xosé Antonio Touriñán. Tamén se chaman "Cantareiras de Ardebullo" ou "Pandereteiras de Ardebullo".

5 jose ramon

No hay que sacar las cosas de su sitio..esto es una pareja de humoristas., que bajó mi punto de vista , en ningun momento quisieron degradar a la mujer o a los hombres, que en algun momento utilizaron pará hacer reir....yo creo mas bien que el que tiene el problema. .es el o la que quieren sacar las cosas de sitio. Mi consejo es que os riais un poco. .que viene muy bien. Y no buscar donde no hay.

4 Ana

Non me parece pra tanto. O que me prece triste e que se lle faga unha homeaxe a muller traballadora no seculo XXI Ainda non esta asumido que as mulleres traballamos neste pais???

3 galegoexiliado

Un jran homenaxe dos franquistas á muler traballadora: un jay e dous travestidos dan idea do que a dereita entende por mujer-mujer. En canto ó suposto humor seguen no Xandasbolismo e a Galizapaleta. Non sei si estos humoristos o fan por ideoloxía ou por comer pero hai que ter un pouco de dignidade.

1 Rir_os_paiasos

Ás veces dan noxo estes cómicos da burla do propio, que non son quen de facer humor con algún contido que poda anoxar ao PPsoe, primeiro caso que vexo eu dun país sen humor crítico, só burla do propio. Se para algo pode servir o humor e para denunciar dun xeito diferente o que está pasando no país. Estes non se atreven (ou son así de lerdos), se o fan será para denunciar aos galegos por seren tan pouco comprensivos co asoballamento que nos ven de fora. Tanto Vilar coma estes: lixo, lume con eles.

2 Antón

estes dous supostos humoristas xa cheiran con tanto autonoxo e topicazo..

1 undamariña

¿serà que son as mulleres mais coñecidas de Galicia?Pois ao mellor si, por desgracia.Pero acordense que para as pròximas eleccions o Feijoò volve a gañar por maioria, asì nos vai. ¡ Viva España¡