Ourense: Quo Vadis Jácome, Quo Vadis Baltar?

O que non podía ser, ou non parecía ser, foi. Gonzalo Jácome volve darlle a volta á tortilla electoral e para sorpresa de propios e extraños, Democracia Ourensana, o seu partido,  acadou un colosal resultado, 10 edís, cando todas as enquisas asumían que quedaría con seis.

É o gañador induscutible duns comicios onde PP e PSOE rescataron a dous ex alcaldes con procesos xudiciais pendentes. E a iso se aferrou Jácome para convencer a un electorado que, finalmente, decidiu apoialo, a pesar de que tamén el poida sere imputado se, finalmente, prosperan as denuncias interpostas contra el por PP, PSOE e BNG polos famosos audios publicados por La Región e La Voz de Galicia.Uns audios e unha campaña mediatica que, ao final, lonxe de prexudicalo provocaron que obteña un amplo respaldo. 

Con todo, o problema en Ourense vai ser doble. Que vai pasar no Concello e que vai pasar na Deputacion?. Socialistas e populares chegaron a un pacto non escrito para permitir que gobernara a forza máis votada entre eles. O máis votado foi o PP, con sete concelleiros, polos seis do PSdG. Con todo, esa maioría sería moi insuficiente se non hai un acordo de goberno no que tamén participe o BNG.

E o mesmo acontece na Deputación de Ourense. O futuro de Baltar pode depender de Jácome. E logo do acontecido nos últimos días, o PP insistiu en que non pactaría co líder de DO. Con todo, as palabras e promesas de Baltar non sempre se cumplen. 

ALEGRÍA DE JÁCOME

O líder de Democracia Ourensá Gonzalo Pérez Jácome mostrou a súa alegría pola súa vitoria nas urnas ao ser a lista máis votada na capital provincial con 10 edís e 19.158 votos que, segundo o actual rexedor, fará que aumente nun deputado a súa representación na Deputación de Ourense ata alcanzar o tres actas.

Co 95% do escrutinio avanzado, Jácome saíu ás inmedicaciones da sede de D.O. a celebrar o resultado obtido este domingo. "Ourense non só falou esta noite, Ourense gritou e a democracia falou", manifestou Pérez Jácome, micrófono en man na Rúa do Paseo ourensán e rodeado da súa candidatura e veciños que se achegaron a escoitar as primeiras palabras do alcalde desde 2019.

Entre aclamacións, aplausos e berros de "Jácome alcalde", o líder de D.O. cualificou de "triunfo absolutamente histórico" o resultado obtido polo seu partido, que sobe de 7 a 10 edís polos 7 de PP, 6 de PSOE e 4 de BNG. "É un segundo mandato no que cremos que podemos facer grandes cousas por Ourense", insistiu Jácome, que se acordou un a un dos membros que integraban a lista, aos que deu as grazas, en especial ao segundo da lista, actual tenente de alcalde, Armando Ojea, con quen se fundiu nun abrazo.

"Non sabemos se a Deputación rompería a maioría absoluta (do PP de Manuel Baltar) como fai catro anos. Está a bailar nun centenar de votos", expuxo antes de concluír que, con todo, "o que parece claro é que DO terá tres deputados, subindo un, é unha vitoria histórica".

PROVINCIA

Democracia Ourensana,  foi a cuarta forza máis votada na provincia de Ourense co 10,86% dos sufraxios a pesar de presentarse en só sete dos 92 municipios.

Tamén logra representación en Barbadás, concello limítrofe coa cidade de Ourense. Alí, con Daniel Rey á fronte da candidatura, D.O. cóase cun edil nunha corporación que terá ao PSOE con 7 edís, ao PP con 6, ao BNG con 2 e a Partido Galego con 1.

Nos cinco municipios restantes onde presentaba lista --O Pereiro de Aguiar, San Cibrao das Viñas, Toén, Cartelle e A Merca--, D.O. non conseguiu ningunha acta.