A Policía identificou a 140 menores consumindo alcol no Son do Camiño

A Policía Autonómica identificou a 140 mozos e levantou tres actas de infracción a postos ambulantes na contorna do festival O Son do Camiño, celebrado a semana pasada en Santiago, por incumprimentos das leis de prevención de consumo de sustancias prohibidas a menores de idade.

Nun comunicado, a Xunta detalla que as denuncias foron a tres postos localizados nas proximidades do evento, que tivo lugar os pasados días 15, 16 e 17 de xuño no Monte do Gozo. Os establecementos carecían tanto de cartel informativo da prohibición de venda e subministración de alcol a menores como de licenza municipal de actividade.

Ademais, no dispositivo despregado pola xefatura provincial da Policía Autonómica en Santiago para previr o consumo de alcol entre os menores de idade, os axentes identificaron a 140 mozos.

Arquivo - Un grupo de persoas á súa chegada á zona de acampada no festival Oson de Camiño, no Monte do Gozo, a 15 de xuño de 2022, en Santiago de Compostela, A Coruña, Galicia, (España). A pesar de que houbo perigo de cancelación tras o acciden. César Arxina - Europa Press - Arquivo | Fonte: Europa Press