Cólleno "in fraganti" provocando un incendio forestal en Seixalbo
Foi un policía autonómico fóra de servizo o que detivo o delincuente.
Por Europa Press / Redacción | SANTIAGO DE COMPOSTELA | 30/06/2023 | Actualizada ás 12:59
Un axente da Policía Autónomica sorprendeu na tarde do pasado mércores a un home no momento no que provocaba un incendio forestal na parroquia de Seixalbo, no municipio de Ourense.
O policía, fóra de servizo, atopábase pola zona cando recibiu un aviso de que había unha persoa causando un lume que afectou unicamente a 0,15 hectáreas de superficie arboredo, segundo informou este venres a Xunta.
O axente logrou reter ao incendiario ata a chegada dunha patrulla da unidade adscrita á Comunidade autónoma e deu a voz de alarma para o envío de efectivos anti incendios ao lugar. Ata a zona desprazáronse dous axentes, tres brigadas e unha motobomba que sufocaron as chamas, provocadas nunha tarde na que a área de Ourense estaba en moi alto risco de incendio polas condicións climatolóxicas.
A Policía Autonómica tomou declaración ao presunto autor do lume para a elaboración de dilixencias que foron trasladas ao xulgado de instrución número 2 de Ourense, en funcións de garda. A Xunta destacou que, no que vai de ano, un total de 13 persoas foron investigadas pola súa responsabilidade en incendios forestais.
