Por E.P. | SANTIAGO DE COMPOSTELA | 04/07/2023 | Actualizada ás 18:03
A obra de teatro 'O Auto do Castromil', dirixida por Quico Cadaval, estrearase este venres 7 de xullo no Teatro Principal da capital galega, con entrada libre e gratuíta. Este proxecto, coproducido por Excéntricas Produccións Teatrais e o Centro Drámatico Galego, estará en cartel só este fin de semana antes de iniciar a xira por outros concellos de Galicia.
Esta obra humorística, que trata unha viaxe imaxinaria en autobús, foi galardoada no III Certame de Proxectos Teatrais Manuel María entregado en novembro do ano pasado e conta co apoio de máis de 40 municipios. Desta maneira, permitiuse a realización desta obra e a súa posterior xira.
O espectáculo está protagonizado por un recoñecido elenco como Asperxo González, Victor Mosqueira, Marcos Orsi e Patricia Vázquez, que darán vida aos personaxes desta peza teatral. "Estamos felices por estrear nesta casa e creo que o espectáculo se parece moito ao que prometemos", destacou o director da obra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.