Volve a tensión polos incidentes entre candorcas e embarcacións en Galicia
Tres candorcas "xogan" cun veleiro ao noroeste da illa de Sálvora no primeiro enfrontamento destes animais este verán.
Por Europa Press / Redacción | SANTIAGO DE COMPOSTELA | 06/07/2023 | Actualizada ás 14:55
As candorcas tiveron o primeiro incidente cun veleiro en augas de Galicia este verán, despois de protagonizar decenas de interaccións no período estival de 2022.
A aplicación Orcinus, impulsada pola Xunta e o Bottlenose Dolphin Research Institute (BDRI) do Grove, recolle que o pasado mércores, 5 de xullo, produciuse un incidente do veleiro de oito pés 'Delfina' con tres candorcas ao noroeste da illa de Sálvora.
Precisamente, durante o pasado mércores houbo outros dous avistamentos máis de candorcas máis ao sur nas rías Baixas. No que ía de verán tan só produciuse estas observacións ao sur de Lisboa, sen constacia aínda en augas galegas.
A 'app' galega para reducir interacción con orcas contaba a comezos de xuño con 150 avistamentos no seu seis primeiros meses de posta en marcha, todos ao sur de Lisboa.
