Abanca faise coas participarcións preferentes de 2018
O banco pecha a recompra de participacións preferentes cunha aceptación do 87,6%
Por Europa Press / Redacción | Santiago de Compostela | 12/07/2023 | Actualizada ás 13:50
Abanca informou este mércores do resultado da recompra da emisión de participacións preferentes que iniciou a semana pasada e que, finalmente, alcanzou unha aceptación do 87,6%.
En concreto, a entidade lanzara unha oferta para recomprar os 250 millóns de euros que tiña nesta emisión de 'Cocos', realizada en 2018. Abanca informou hoxe que aceptou todas as ofertas que realizaron os tenedores, o que supón un importe agregado de 219 millóns de euros, un 87,6% do importe total da emisión.
A semana pasada, o banco lanzaba esta recompra, á vez que anunciaba unha nova emisión de 'Cocos' de 250 millóns de euros, co obxectivo de xestionar de maneira eficiente a súa posición de capital nivel 1 (tier 1 capital), mellorar o perfil da súa débeda e optimizar o seu gasto de interese futuro.
