Por Europa Press / Redacción | OURENSE | 17/08/2023 | Actualizada ás 11:52
O Club Náutico de Castrelo de Miño acollerá, este fin de semana, a copa da Deputación de Windsurf na que competirán máis de 30 regatistas pertencentes a sete clubs de toda Galicia. Nun comunicado, o goberno provincial informou que as modalidades deportivas nas que se disputarán as diferentes probas serán as de 'Formula Foil', 'Raceboard', 'Techno 293' e 'Escola'.
Esta será a primeira vez que se disputará o Campionato Galego de 'Formula Foil' na localidade ourensá, no que participasen 11 deportistas. Nesta categoría, a Deputación destacou a deportistas como Juan Vieito, Nacho Fernández e Lucas Maceiras do RCN Rodeira de Cangas; a Nicolás Branco, Juan Parada e Fran Robleda, do de Castrelo de Miño. En categoría feminina despunta a regatista do C.N. Castrelo de Miño, Enar Cibreiro.
No referente á clase de 'Raceboard' o nivel "tamén será alto" ao contar coa presenza do subcampión mundial 2023, Jorge Maciel dos CV Praia de Oza. Pola súa banda, na categoría 'Techno 293' estarán "os mellores da canteira galega e nacional" como Lida Pousa, do CN de Cangas, que participou no Campionato do Mundo sub-15. As probas disputaranse este venres a partir das 18,30 horas e o sábado comezarán ás 13,00 horas, se o vento acompaña. A entrega de premios está prevista para o sábado ás 21,00 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.