Unións Agrarias pide á Xunta que "vete" o acceso a axudas de industrias agroalimentarias sancionadas
Insta ao Goberno galego a volver incluír na listaxe de requisitos de acceso á liña de axudas para investimentos en transformación e comercialización de produtos agrarios "o veto eliminado en abril".
Por Europa Press / Redacción | SANTIAGO DE COMPOSTELA | 18/08/2023 | Actualizada ás 13:29
Unións Agrarias reclamou á Xunta que teña en conta o comportamento das industrias agroalimentarias "e vete o acceso a axudas públicas daquelas que incorran en incumprimentos graves da Lei de Cadea".
Nun comunicado, a organización agrogandeira fai un chamamento para que a administración autonómica aproveite os mecanismos dos que dispón "para velar polo cumprimento da legalidade e preservar os dereitos do sector produtor". Nese sentido, insta o Goberno galego a volver incluír na listaxe de requisitos de acceso á liña de axudas para investimentos en transformación e comercialización de produtos agrarios "o veto eliminado en abril".
"Así como a introducir cláusulas que impidan o acceso das firmas que incorran en comportamentos discriminatorios cara ás gandarías da nosa Comunidade a esta e outras posibles liñas de financiamento autonómico", remarca.
