Xornalistas piden respecto para o seu traballo tras tocarlle un home o cú a unha profesional
A Asociación de Prensa de Madrid rrexeita a agresión á xornalista que facía unha conexión en directo e pide respecto ao traballo dos profesionais
Por Europa Press / Redacción | MADRID | 13/09/2023 | Actualizada ás 11:29
A Asociación da Prensa de Madrid (APM) expresou o seu rexeitamento á agresión contra a redactora galega de Cuatro Isabel Balado cando realizaba unha conexión en directo para o programa 'En boca de todos'.
A APM manifestou, igualmente, a súa solidariedade coa compañeira agredida, esixiu respecto aos profesionais da información durante o exercicio do seu traballo e condenou calquera actuación que trate de impedir o dereito á liberdade de expresión.
Isabel Balado sufriu unha agresión o martes cando estaba a realizar unha conexión en directo en Madrid, momento no cal un home que pasaba por alí tocoulle o cú e interrompeu o traballo da xornalista. O home foi detido pouco despois pola Policía Nacional.
