Retencións na A-52 tras chocar dous camións debido á néboa en Cualedro, deixando un dos condutores ferido
Segundo os primeiros indicios do Instituto Armado, o que ocorreu é que un camión do lixo atopábase parado na beiravía por unha avaría cando o outro vehículo, de maiores dimensións, non se decatou da súa presenza pola néboa e acabou chocando contra el.
Por Europa Press / Redacción | OURENSE | 20/09/2023 | Actualizada ás 13:21
O choque entre dous camións na A-52, ao seu paso por Cualedro, provocou retencións na estrada porque houbo que cortar un carril. A colisión deixou a un dos condutores ferido leve. Tal e como informan o 112 Galicia e a Garda Civil, ocorreu pouco antes das 10.00 horas da mañá deste mércores no quilómetro 176 da A-52.
Segundo os primeiros indicios do Instituto Armado, o que ocorreu é que un camión do lixo atopábase parado na beiravía por unha avaría cando o outro vehículo, de maiores dimensións, non se decatou da súa presenza pola néboa e acabou chocando contra el. Os axentes desprazados ata o punto encargáronse de regular o tráfico, de modo que o resto de vehículos puideron circulan polo centro da vía. Con todo, xeráronse retencións.
