Ferida grave unha muller tras sufrir un atropelo cando cruzaba por un paso de peóns en Poio

Unha muller resultou ferida grave na mañá deste luns tras sufrir un atropelo na localidade pontevedresa de Poio.

Segundo a información do CIAE 112-Galicia, o suceso ocorreu sobre as 11.30 horas desta mañá na Avenida de San Xoán, onde a muller cruzaba por un paso de peóns cando foi alcanzada por un vehículo.

Ata o lugar foron mobilizados os Bombeiros de Pontevedra, membros do GES de Sanxenxo, Policía Local, Garda Civil e Protección Civil. Así mesmo, interveu persoal sanitario do 061, que trasladou á muller, en estado grave, a un centro hospitalario.

Avenida de San Xoán, en Poio | Fonte: Callejero.net