@sarasecorial: "Xa lles gustaría a moitos da TVG ter o meu galego"

Sara Seco Rial -ou Sara Escorial para aqueles que confunden o seu nome- é a nosa seguinte invitada a Laretando. Esta valguesa afincada en Santiago leva dous anos subindo o seu día a día a TikTok, o que fixo que conseguise unha comunidade que non se perde nin un dos seus vlogs.

No seu episodio falamos de temas como a lingua -da cal ela tamén é unha gran defensora en redes-, de todas as rutinas de beleza polas que lle preguntan seguido as súas seguidoras ou das colaboracións con grandes marcas que ten feito. Xa dispoñible en YouTube e Spotify!