Unha operación antidroga con rexistros en varios locais de Pontevedra acaba con tres persoas detidas
Este operativo ten como obxectivo a desarticulación de grupo criminal dedicado á venda e distribución de drogas en distintos puntos da cidade de Pontevedra.
Por E.P. | SANTIAGO DE COMPOSTELA | 05/10/2023 | Actualizada ás 15:03
Axentes da Policía Nacional e da Policía Local detiveron este xoves a tres persoas nunha operación antidroga con rexistros en varios locais de Pontevedra.
Nesta operación conxunta tamén se practicaron rexistros nun local de lecer nocturno da rúa Cousiño, no centro histórico, e outro nun domicilio dun terceiro piso dun edificio na praza de Ponche Boleira, no barrio do Gorgullón.
Segundo informaron fontes da Policía Nacional, este operativo ten como obxectivo a desarticulación de grupo criminal dedicado á venda e distribución de drogas en distintos puntos da cidade de Pontevedra.
Nos rexistros, os axentes utilizaron cans do servizo cinolóxico da Policía Nacional e interviñeron diñeiro en metálico e distintas cantidades de haxix e cocaína.
A operación é o resultado dunha investigación da Unidade de Drogas e Crime Organizado (Udyco) da Policía Nacional e o grupo SAI da Policía Local de Pontevedra.
