A organización ecoloxista Arco Iris pedirá o embargo dos bens da aseguradora do 'Prestige'
Por Europa Press / Redacción | A CORUÑA | 11/10/2023 | Actualizada ás 11:47
A organización ecoloxista Arco Iris pedirá o embargo dos bens da aseguradora do 'Prestige' en todos os países da Unión Europea, tras a resolución do Tribunal Superior de Xustiza de Inglaterra e Gales que denega o cobro ao Estado español de 885 millóns de póliza da citada empresa.
Así o informa a organización ecoloxista que fai referencia ao fallo da Audiencia Provincial sobre a reclamación exposta a nivel estatal para reclamar un diñeiro establecido, por sentenza, nos tribunais españois.
A asociación ecoloxista Arco Iris, única representada na causa penal do 'Prestige' polo movemento ecoloxista, afirma que a súa intención é instar na executoria ante a Sección Primeira da Audiencia Provincial da Coruña "o embargo de todos os bens (empresas mercantís, contas bancarias, fondos e produtos financeiros) que pertencen á aseguradora en países europeos.
Neste sentido, indica que a súa intención é "reiniciar a peza executoria seguida ante a Audiencia da Coruña", ademais de denunciar a postura da aseguradora en relación a esta catástrofe.
