Ferida unha persoa tras envorcar o seu coche en Vimianzo
Por Europa Press / Redacción | SANTIAGO DE COMPOSTELA | 19/10/2023 | Actualizada ás 10:47
Os Bombeiros de Cee tiveron que intervir na madrugada deste xoves nun accidente de tráfico rexistrado no municipio coruñés de Vimianzo e no que resultou ferida unha persoa. En concreto, segundo a información do CIAE 112, o suceso ocorreu sobre as 1.15 horas no quilómetro 3 da AC-433, na parroquia de Calo, onde o vehículo se saíu da estrada e envorcou.
Desde o 112 solicitouse a colaboración de Urxencias Sanitarias de Galicia-061, dos Bombeiros de Cee e da Garda Civil de Tráfico. Os Bombeiros fixeron uso do seu material de excarceración para liberar ao ferido, que foi atendido polos profesionais sanitarios e trasladado a un centro hospitalario.
Tamén en Nigrán se produciu un accidente de tráfico no que foi necesario liberar ao condutor dunha furgoneta. Tivo lugar ás 21.30 horas na AG-57-N, na parroquia de Parada.
