A osteoporose, a enfermidade que afectará ao 29,6% da poboación en 2034

A osteoporose ten unha gran prevalencia nos adultos debido ao incremento da incidencia das fracturas por fraxilidade ao aumentar a esperanza de vida. Tamén incrementa a morbimortalidade, representa un elevado custo social pola dependencia e diminución da calidade de vida que provoca e ten un alto custo económico.

Esta doenza ten unha gran prevalencia no conxunto do Estado. Un total de 2.945.000 persoas padecíaa en 2019 (sendo as 79,2% mulleres e 20,8% homes) o que representa a 5,4% poboación. De feito, o 22,6% de mulleres e 6,8% de homes maiores de 50 anos ten osteoporoses. As previsións auguran un gran incremento no futuro de máis do 29,6% en 2034, porque a poboación maior de 50 anos crecerá un 22,3%. É a principal causa de fracturas por fraxilidade, con 285.000 rexistradas en 2019, o que supón 14,8 fracturas por cada 1.000 persoas.

"Con todo, seguimos sen darlle a importancia que ten e de aí a enorme brecha de diagnóstico e de tratamento", tal e como reclama o doutor Carlos Bastida, responsable do Grupo de Traballo de Patoloxía Osteomuscular e Osteoporose da Sociedade Española de Médicos Xerais e de Familia (SEMG).

De feito, e aproveitando o Día Mundial da Osteoporose, que se celebra este 20 de outubro, a SEMG pide aos profesionais sanitarios e poboación en xeral "estar moi atentos aos factores de risco e tomar as medidas necesarias e oportunas para diminuír ese risco". "Hai que explicarlle ben ao paciente a súa patoloxía e o risco que leva, para así conseguir aumentar o cumprimento e adherencia do tratamento que teña pautado", sinala Carlos Bastida.

MORBIMORTALIDADE

A SEMG tamén alerta que a osteoporose incrementa a morbimortalidade, xa que 1 de cada 5 pacientes morre durante o ano posterior á fractura de cadeira, cun total de 248.487 mortes relacionadas en 2019. A Organización Mundial da Saúde (OMS) sitúao como o segundo problema de saúde máis importante no mundo tras a patoloxía cardiovascular.

En canto ás repercusións no paciente e na sociedade, os especialistas lembran que unha fractura afecta as persoas no plano físico e no emocional, dado que modifican os seus niveis de interacción social e evitan algunhas actividades, empeorando a súa calidade de vida

Do mesmo xeito, a fractura provoca dependencia, sendo España o país que ten a segunda carga de coidadores máis alta de todas as nacións da Unión Europea, con 756 horas de coidado por cada 1.000 individuos e ano, e un total de 355.306 días tomados por traballadores polas fracturas por fraxilidade.

De feito, esta enfermidade ten un gasto socioeconómico de 4.300 millóns de euros 2019 en España se se suma o custo directo de fracturas incidentes (1.810 millóns de euros), a discapacidade a longo prazo (2.190 millóns de euros) e a avaliación e tratamento (303 millóns de euros), o que representa o 3,8% do gasto en coidados de saúde.