Asaga alerta de "funestas consecuencias" para o agro galego se se aproba a Lei de Restauración da Natureza

A Asociación Agraria de Galicia (Asaga) alerta de "funestas consecuencias" se o Parlamento Europeo aproba a Lei de Restauración da Natureza.

Nun comunicado, critica que o negociador principal nos trílogos e relator da proposta de lei, o eurodeputado socialista César Luena, "reintroduciu os ecosistemas agrícolas no texto, que xa foran rexeitados pola maioría de deputados da Eurocámara o pasado 27 de xuño".

Esta situación, unido á estratexia 'da granxa á mesa' e o regulamento de uso sustentable de fitosanitarios "creará un escenario insustentable para o campo galego, español e europeo".

Así, o presidente de Asaga, Francisco Belo, avisa de que se volve a situar no centro do regulamento numerosas disposicións "pouco realistas e sen orzamento previsto", as cales "pasarán factura aos agricultores".

O vicepresidente primeiro da Xunta, Alfonso Rueda, nunha visita este martes á Central Agropecuaria de Galicia Abanca | Fonte: XUNTA